Ate di Lauc chist cûr di arint
ti ufrìs par vêi salvât la vite.
Ancjimò si vise dal spasim
muardût di chê lipare rosse
tal bosc sore Clavaias,
il tiarç dì di Lui di chist an
il cuint che al regne Vinderix.
Miedi, compagn che in altris religjons il diu dal soreli al è ancje diu de midisine. La poesie e vûl jessi une epigrafe di ex voto al diu che al vuarìs.
1: Ate, non celtic di persone, par altri un dai nons di re cjatâts su lis monedis carnichis.
7: pal solit tes antighis civiltâts i agns si contavin cjapant di riferiment il guvier des massimis figuris de comunitât; Vinderix: di lei batint l’acent su la prime silabe.
No comments:
Post a Comment